12 yil qidiruvda boʻlgan shaxs AQShdan Oʻzbekistonga olib kelindi
Hozirda mazkur fuqaro Jizzax shahar prokuraturasiga topshirilgan.
12 yildan buyon qidiruvda boʻlgan shaxs AQShda qoʻlga olinib, Oʻzbekistonga olib kelindi. Bu haqda Jizzax viloyati IIB xabar berdi.
Maʼlum qilinishicha, 1978 yilda tugʻilgan Yu.N. Jinoyat kodeksining 223-moddasi 2-qismi "g" bandida nazarda tutilgan jinoyat (qonunga xilof ravishda chet elga chiqish yoki Oʻzbekiston Respublikasiga kirish)ni sodir etganlikda ayblanib, 2014 yildan buyon qidiruvda boʻlgan.
Olib borilgan tezkor-qidiruv tadbirlari natijasida u AQShda qoʻlga olinib, Oʻzbekistonga olib kelingan.
Hozirda mazkur shaxs Jizzax shahar prokuraturasiga topshirilgan.
Huquqni muhofaza qiluvchi organlar tergovdan yashirinib yurgan shaxslarni qidirish va ularni Oʻzbekistonga qaytarish ishlarini davom ettirmoqda, deyiladi xabarda.
