Toshkentda giyohvandlik moddalarini tarqatgan er-xotin qoʻlga olindi
Sergeli tumanida Spark avtomobilida "zakladka" usulida giyohvandlik moddalarini tarqatib kelgan er-xotin va ularning sherigi ushlandi.
Toshkentda giyohvandlik moddalarini tarqatgan er-xotin ushlandi.
Sergeli tumanida Spark avtomobilida "zakladka" usulida giyohvandlik moddalarini tarqatib kelgan er-xotin va ularning sherigi qoʻlga olingan. Ulardan 50 ta oʻramda "gashish" topilgan. Ijaradagi xonadonida esa yana 450 gramm "gashish" va 100 gramm "mefedron" aniqlangan.
Toshkent viloyatining Qibray tumanida ham "zakladchik" sifatida faoliyat yuritgan shaxs aniqlangan. Uning avtomobilidan "gashish" topilgan.
Shuningdek, Mirzo Ulugʻbek tumanida internet-avtodoʻkonni boshqargan shaxs va uning sherigi ham qoʻlga olingan. Ularning xonadonidagi ikkita plastik idishdan 2 kg "opiy" va 40 gramm "gashish" topilgan.
Holatlar yuzasidan jinoyat ishlari qoʻzgʻatilgan.
