Reklama qonunchiligini buzgan 12 bloger javobgarlikka tortildi
Shuningdek, respublikada keng jamoatchilikka tanilgan qoʻshiqchilar, aktyor va aktrisalar hamda sportchilarning roʻyxati shakllantirilib, ularning ijtimoiy tarmoqlardagi reklamaga oid chiqishlari ham muntazam monitoring qilinmoqda.
Raqobat qoʻmitasi blogerlar va mashhur shaxslarni reklama qonunchiligiga qatʼiy rioya qilishga chaqirdi.
Ijtimoiy tarmoqlarda faoliyat yuritayotgan 110 nafar bloger roʻyxati shakllantirilib, ularning sahifalarida joylashtirilayotgan reklama materiallari Raqobat qoʻmitasi tomonidan kunlik tartibda monitoring qilib borilmoqda.
Monitoring natijalariga koʻra, 12 nafar bloger tomonidan reklama qonunchiligi talablariga zid boʻlgan reklama axborotlari joylashtirilgani aniqlandi. Aniqlangan qonunbuzilishlar yuzasidan ularga nisbatan qonunchilikda belgilangan tartibda maʼmuriy javobgarlik choralari qoʻllanildi.
Shuningdek, respublikada keng jamoatchilikka tanilgan qoʻshiqchilar, aktyor va aktrisalar hamda sportchilarning roʻyxati shakllantirilib, ularning ijtimoiy tarmoqlardagi reklamaga oid chiqishlari ham muntazam monitoring qilinmoqda.
Raqobat qoʻmitasi reklama beruvchilar, reklama tayyorlovchilar va tarqatuvchilar, shu jumladan, blogerlar hamda mashhur shaxslarni reklama materiallarini joylashtirishda “Reklama toʻgʻrisida”gi Qonun talablariga qatʼiy amal qilishga chaqirdi.
