Netanyahuning raqibi yangi hukumatni tuzadi
Isroil prezidenti Ishoq Gersog yaqinda boʻlib oʻtgan saylovlardan soʻng yangi hukumat tuzishni muxolifat yetakchisi Gadi Ayzenkotga topshirdi.
Isroil bosh vaziri Binyamin Netanyahuning raqibi yangi hukumatni tuzadi.
Isroil prezidenti Ishoq Gersog yaqinda boʻlib oʻtgan saylovlardan soʻng yangi hukumat tuzishni muxolifat yetakchisi Gadi Ayzenkotga topshirdi.
Ayzenkot Bosh vazir Benyamin Netanyahuning parlament saylovlaridagi asosiy raqibi sanaladi.
Gersog siyosatchini yakshanba kuni oʻz qarorgohiga taklif qilib, unga keyingi hukumatni tuzish vakolatini topshirdi. Yangi hukumat 28 kun ichida tuzilishi kerak boʻladi. Isroil prezidenti keyinroq uni qonun boʻyicha 11 kun uzaytirish vakolatiga ega.
Eslatib oʻtamiz, Knesset saylovlarida na amaldagi hukumat, na muxolifat yetarlicha ovoz toʻplay oldi. Bunga arab partiyalarining muvaffaqiyati sabab boʻldi.
Oʻz navbatida har ikkala yirik partiya ham arab partiyalari bilan koalitsiyaga birlashmasliklarini maʼlum qilgan.
