Misrdagi poyezd halokatida yetti kishi halok boʻldi
Yuz nafardan oshiq kishi esa jarohat olgan. Aytilishicha, Gizadan Fayumga ketayotgan poyezdning old qismi Qohiradan Asvonga ketayotgan boshqa poyezdga borib urilgan.
Misrning Giza provinsiyasida poyezd toʻqnashuvi va relsdan chiqib ketishi oqibatida yetti kishi halok boʻldi va taxminan 114 kishi jarohat oldi, deb xabar beradi Masrawy.
Janubiy Giza bosh prokurori prokurorlar guruhi bilan voqea joyiga yetib keldi. Yana bir guruh voqeadan jabrlanganlar va guvohlar bilan suhbatlashish uchun Atfih, Al-Ayat va Al-Vastadagi shifoxonalarga bordi.
Prokuratura maʼlumotlariga koʻra, baxtsiz hodisa Gizadan Fayumga ketayotgan 134-sonli poyezdning old qismi Qohiradan Asvonga ketayotgan 2010-sonli poyezdning orqa vagoni bilan toʻqnashganda sodir boʻlgan, u shu yoʻnalishda toʻxtab qolgan.
Halok boʻlganlar orasida 134-sonli poyezd mashinisti ham bor edi. Misr Sogʻliqni saqlash va aholini muhofaza qilish vazirligi jarohatlanganlarning 45 nafari allaqachon shifoxonalardan chiqarilganini maʼlum qildi.
Eslatib oʻtamiz, oktabr oyida Ispaniyadagi poyezd halokatida 70 nafarga yaqin kishi halok boʻlgandi.
