Kino vakillari Istanbulda oʻzbek yoshlari bilan uchrashdi
Yoshlar oʻzbek kinosining bugungi holati, yangi filmlar, xalqaro hamkorlik va mamlakatimizda sohada kechayotgan oʻzgarishlar bilan qiziqishdi.
Kinoijodkorlar Istanbulda oʻzbek yoshlari bilan uchrashuv oʻtkazdi.
Turkiyadagi Istanbulkent universitetida tahsil olayotgan oʻzbekistonlik talabalar bilan uchrashuv oʻtkazildi.
Oʻzbekistonning Turkiyadagi elchixonasi hamkorligida tashkil etilgan uchrashuv kino, ijod, Vatan va kelajak haqida samimiy suhbat shaklida kechdi. Yoshlar oʻzbek kinosining bugungi holati, yangi filmlar, xalqaro hamkorlik va mamlakatimizda sohada kechayotgan oʻzgarishlar bilan qiziqishdi. Delegatsiya aʼzolari esa ularning fikrlari, orzu-intilishlari va ijodiy rejalarini tinglashdi.
Ayniqsa, universitetning kino yoʻnalishida tahsil olayotgan talabalari bilan kelgusida milliy kino loyihalarida hamkorlik qilish, ularning iqtidori va bilimlarini oʻzbek kinosi rivojiga yoʻnaltirish haqida kelishib olindi.
