AQSh yangi oy chiqqan tunda Eronga hujum qilishi mumkin
Harbiy amaldorlarning soʻzlariga koʻra, oʻsha kuni yangi oy tunda operatsiya oʻtkazish uchun qulay sharoit yaratadi.
Amerika Qoʻshma Shtatlari 9 noyabr kuni Eronga qarshi harbiy harakatlarni qayta boshlashni koʻrib chiqmoqda, deb xabar berdi Fox News maʼmuriyat manbalariga tayanib.
Harbiy amaldorlarning soʻzlariga koʻra, oʻsha kuni yangi oy tunda operatsiya oʻtkazish uchun qulay sharoit yaratadi.
Oq uy 4 va 5 noyabr kunlari Prezident Donald Tramp va milliy xavfsizlik guruhi oʻrtasidagi uchrashuvlar davomida ushbu variantni muhokama qildi.
Fox News xabariga koʻra, AQSh Markaziy qoʻmondonligi (CENTCOM) harbiy harakatlarning qayta boshlanishiga tayyorgarlikni yakunlamoqda.
AQSh va Eron oʻrtasidagi mojaro 28 fevralda boshlangan. Iyun oyida ikki tomon harbiy harakatlarni toʻxtatishga chaqiruvchi oʻzaro anglashuv memorandumini imzoladilar, ammo bir oydan kamroq vaqt oʻtgach, vaziyat yana keskinlashdi.
Vashington va Tehron oxirgi marta sentabr oyining boshida bir-birlariga hujum qilishgan. Hozirda Eron delegatsiyasi Qatarda vositachilar orqali AQSh bilan muzokaralar olib bormoqda. Reuters manbasining soʻzlariga koʻra, Eron AQShga oʻzining yadroviy dasturi boʻyicha takliflarni ham taqdim etgan.
