Turkiyada qurolli shaxs odamlarga qarata oʻt ochdi, sakkiz kishi qurbon boʻldi
Uchta turli mashinada boʻlgan qurbonlar oʻrtasida hech qanday bogʻliqlik yoʻq edi. Ulardan ikkitasi bir maktabda ishlaydigan oʻqituvchilar boʻlgan.
Turkiyada qurolli jinoyatchi odamlarga qarata oʻt ochdi, natijada sakkiz kishi halok boʻldi va yana bir kishi yaralandi, deb xabar berdi IHA axborot agentligi.
Hodisa Turkiyaning Afyonqorahisor viloyatining Ihsaniye tumanida sodir boʻldi.
"Hujumchi yoʻlda harakatlanayotgan mashinalarni tasodifiy toʻxtatib, yoʻlovchilarga qarata oʻt ochdi. Xavfsizlik kuchlari hodisadan keyin qochib ketgan gumondorni aniqlash va qoʻlga olish uchun keng koʻlamli qidiruv ishlarini olib borildi", deyiladi xabarda.
Nashrning xabar berishicha, uchta turli mashinada boʻlgan qurbonlar oʻrtasida hech qanday bogʻliqlik yoʻq edi.
Ulardan ikkitasi bir maktabda ishlaydigan oʻqituvchilar edi. Mintaqada maksimal xavfsizlik choralari koʻrildi.
Politsiya va jandarmeriyaning qoʻshma operatsiyasi natijasida erkak ushlangan. Tibbiy koʻrikdan soʻng u huquq-tartibot idoralariga topshirilgan. Tergovga bosh prokuror oʻrinbosari va uch prokuror jalb etilgan.
