Akbar Joʻrayev dast koʻtarishda jahon rekordini yangiladi
Xitoyning Ninbo shahrida davom etayotgan ogʻir atletika boʻyicha jahon chempionatida Akbar Joʻrayev oltin medalni qoʻlga kiritdi.
Akbar Joʻrayev dast koʻtarishda oʻzi oʻrnatgan jahon rekordini yangilab, oltin medalga ega chiqdi.
Xitoyning Ninbo shahrida davom etayotgan ogʻir atletika boʻyicha jahon chempionatida Akbar Joʻrayev hozirgaina yakunlangan -110 kg vazn toifasining dast koʻtarish mashqida oltin medal qoʻlga kiritish barobarida oʻzi oʻrnatgan jahon rekordini yangilashga muvaffaq boʻldi.
Polvonimiz ushbu mashqda 198 kg natija qayd etdi.
Birozdan soʻng sportchilar siltab koʻtarish mashqida medallar uchun kurashni davom ettirishadi.
