"Metro rahbarining oyligi 652 million soʻm emas"— Yoʻldosh Yusupov
Aytilishicha, bu pullar rahbarning sogʻligʻi bilan bogʻliq holat sabab, jamoaviy shartnomada koʻzda tutilgan tartibda, sogʻligʻini tiklash uchun bir yil davomida qaytarish sharti bilan berilgan pul hisoblanadi.
Toshkent metropoliteni rahbari transforatsiya va moliya masalalari boʻyicha oʻrinbosari Yoʻldosh Yusupov tarmoqlarda tarqalgan xabarni, yaʼni metro rahbarining oyligi 652 million soʻmligini rad qildi.
Uning aytishicha, bu mablagʻlar rahbarning sogʻligʻi bilan bogʻliq holat boʻlganligi uchun jamoaviy shartnomada koʻzda tutilgan tartibda, sogʻligʻini tiklash uchun bir yil davomida qaytarish sharti bilan berilgan pul hisoblanadi.
“Bu oylik ish haqi emas. Vaholanki, bu yil davomida qaytarish sharti bilan berilgan mablagʻdir”, — deydi u. Shuningdek, rahbar oʻrinbosari “Metropolten” AJ'dagi nepotizm, yaʼni jamiyat tarkibidagi qarindosh-urugʻchilikni ham rad qildi.
“Metropolitenda uchta avlod vakillari, yaʼni bobo, bobosi, adasi, oʻzining ishlash holatlari bugungi kunda mavjud va bu holatlar bir-biriga taalluqli boʻlmagan yoʻnalishlarda faoliyat olib boradi. U oʻsha komissiyaviy oʻrganilganda ham xulosalari mavjud. Boʻlishi mumkin, qaysidir holatda, qaysidir joyda, bir xil paytda, bir joyda ishlagan boʻlishi mumkin. Lekin sizlar aytib oʻtgandek, qarindosh-urugʻchilik, yaʼni bitta oila vakillari hamda bitta oila vakillarining bir joyda, yaʼni bir-biriga topshiriq beradigan hamda manfaatli joylarda ishlashi mavjud emas”, — dedi Yoʻldosh Yusupov.
