Saida Mirziyoyeva Qarshidagi avariya holatidagi bogʻchani koʻzdan kechirdi
Eski bogʻcha oʻrnida 360 oʻrinli shinam, yangi bogʻcha quriladi. 43-maktab binosi taʼmirlanib, zamonaviy laboratoriyalar, til va ijod toʻgaraklari hamda alohida ehtiyojli bolalar uchun qulay sharoit yaratiladi.
Prezident Administratsiyasi rahbari Saida Mirziyoyeva Qarshidagi bogʻcha va maktabga bordi.
"Qarshidagi 43-maktab va 1-bogʻcha sharoiti bilan tanishdik. Bogʻcha avariya holatida, maktabda sinfxonalar sovuq, partalar eskirgan. Bolalik esa kutib turmaydi – muammolarni kechiktirmasdan hal qilish kerak", deya yozdi Mirziyoyeva.
Eski bogʻcha oʻrnida 360 oʻrinli shinam, yangi bogʻcha quriladi. Maktab binosi taʼmirlanib, zamonaviy laboratoriyalar, til va ijod toʻgaraklari hamda alohida ehtiyojli bolalar uchun qulay sharoit yaratiladi.
Saida Mirziyoyeva Qashqadaryo ilgʻor kasbiy mahorat texnikumida oʻqiyotgan yoshlarning ishtiyoqi, kelajakka ishonchi behad quvontirganini qayd etdi.
"Farzandlarimiz bogʻchaga qoʻygan ilk qadamidan mustaqil hayotga kirib borguniga qadar munosib muhitda taʼlim-tarbiya olishi kerak", deya taʼkidladi PA rahbari.
