AQSh Senati demokratlar nazoratiga oʻtdi
Mamlakatda oraliq saylovlarlar yakunlandi. Vakillar Palatasi boʻyicha kurashda ham demokratlar gʻalaba qozonishi bashorat qilinmoqda.
3 noyabrda boʻlib oʻtgan oraliq saylovlar AQShdagi siyosiy kuchlar nisbatini sezilarli darajada oʻzgartirdi.
Associated Press maʼlumotlariga koʻra, demokratlar anʼanaviy ravishda respublikachilarni qoʻllab-quvvatlab kelgan qator shtatlarda, jumladan Texas va Ogayoda gʻalaba qozonib, Senatda koʻpchilikni qoʻlga kiritdi. CNN ham Vakillar palatasi ularning nazoratiga oʻtishini bashorat qilmoqda.
Hozirda demokratlar zarur 51 ovozni qoʻlga kiritib boʻlishdi. CNN va AP’ning dastlabki maʼlumotlariga koʻra, Demokrat partiyasi Vakillar palatasida 176 ta oʻrinni qoʻlga kiritdi, Respublikachilar esa 106 ta oʻringa ega chiqdi. Palatani oʻz nazoratiga olish uchun 218 ta oʻrinni qoʻlga kiritish talab etiladi.
Shunday qilib, Donald Trampning ikkinchi prezidentlik muddatida ilk bor Kongressning har ikki palatasi muxolif partiya nazoratiga oʻtmoqda.
Senatning demokratlar nazoratiga oʻtishi Trampning prezidentlik davridagi soʻnggi ikki yilini tubdan oʻzgartiradi va uning oʻz kun tartibini, jumladan, Oliy sudni konservativ yoʻnalishda saqlab qolish umidlarini ilgari surish imkoniyatlarini cheklab qoʻyishi ehtimoldan xoli emas.
