Sud Marat Hamdamovga qamoq chorasi boʻyicha ajrim chiqardi
Tadbirkor bir kun avval protsessual tartibda qoʻlga olingan edi. Uning kompaniyasi qurilishi belgilangan xonadonlarni shartnomada koʻrsatilgan muddatlarda topshirmagani aytilgan.
Jinoyat ishlari boʻyicha Mirobod tuman sudi 2 noyabr kuni Imarat Development qurilish loyihasi rahbari Marat Hamdamovga “qamoq” ehtiyot chorasi qoʻllash haqida ajrim chiqardi.
Bu haqda Kun.uz nashri oʻz manbasiga asoslanib xabar berdi.
Marat Hamdamov bir kun avval protsessual tartibda qoʻlga olingan edi.
Mazkur jinoyat ishi 1 noyabr kuni Toshkent shahar IIBB tergov boshqarmasi tomonidan Jinoyat kodeksining 168-moddasi (Firibgarlik) va 192-11-moddasi (Vakolatini suiisteʼmol qilish) bilan qoʻzgʻatilgan.
“Imarat Development” MChJ qurilishi belgilangan xonadonlarni mijozlarga shartnomada koʻrsatilgan muddatlarda topshirmagani aytilmoqda.
