Oʻzbekiston oltin sotishni kamaytirib, zaxirani oshirmoqda
2026 yil 1 oktabr holatiga koʻra, mamlakat zaxirasida 14,3 million unsiya (446,9 tonna) oltin saqlanmoqda. Mazkur hajm yanvar oyi boshida 12,6 million unsiya (391,9 tonna) edi. Toʻqqiz oy davomida zaxiradagi qimmatbaho metallar hajmi qariyb 55 tonnaga koʻpaygan.
Oʻzbekiston 2026 yil sentabr oyida ham oltin eksport qilmadi.
Markaziy bank yil boshidan beri faqatgina aprel (1,5 mlrd dollarlik) va iyul oylarida (1,3 mlrd dollarlik) qimmatbaho metall sotdi. Qolgan oylarda zavodlardan xarid qilingan oltinlar zaxiraga joylab kelingan. Bu haqda Milliy statistika qoʻmitasi eʼlon qilgan maʼlumotlarga aks etadi.
Oʻtgan yillarda qimmatbaho metall sotuvi mamlakat jami eksportining kamida uchdan bir qismini tashkil etgan. Masalan, 2025 yilning toʻqqiz oyida 9,8 mlrd dollarlik oltin sotilgan boʻlib, umumiy eksport tushumlarining 35,9 foizini egallagan. Joriy yil mos davrida esa jami eksportda oltin hajmi 10,8 foizni tashkil etdi.
Soʻnggi vaqtlarda mamlakat oltin eksportini qisqartirishi fonida zaxira hajmi sezilarli oshib bormoqda. 2026 yil 1 oktabr holatiga koʻra, mamlakat zaxirasida 14,3 million unsiya (446,9 tonna) oltin saqlanmoqda. Mazkur hajm yanvar oyi boshida 12,6 million unsiya (391,9 tonna) edi. Toʻqqiz oy davomida zaxiradagi qimmatbaho metallar hajmi qariyb 55 tonnaga koʻpaygan.
