Gazlashmagan hududlarda elektr boʻyicha bazaviy meʼyor oshiriladi
15 noyabrdan aholi uchun suyultirilgan gazning chakana sotish narxi 1 kilogramm uchun 5 000 soʻm (QQS bilan) etib belgilandi. Xarajatlar bilan bu narx oʻrtasidagi farq davlat byudjetidan subsidiya sifatida qoplanadi.
Gazlashmagan hududlarda elektr energiyasining oylik bazaviy meʼyori oshiriladi.
Hukumatning "Yoqilgʻi-energetika sohasida bozor tamoyillariga oʻtishda aholini ijtimoiy qoʻllab-quvvatlash chora-tadbirlarini amalga oshirish mexanizmlari toʻgʻrisida"gi qarori;
"Aholini suyultirilgan gaz bilan uzluksiz taʼminlashning bozor mexanizmlarini bosqichma-bosqich joriy etish chora-tadbirlari toʻgʻrisida"gi qarori qabul qilindi.
Ularga koʻra, aholini energiya bilan taʼminlash va ijtimoiy qoʻllab-quvvatlash boʻyicha quyidagi oʻzgarishlar joriy etilmoqda:
- 1 noyabrdan tabiiy gaz mavjud boʻlmagan yoki yetkazib berish qiyin hududlarda isitish mavsumida elektr energiyasining oylik bazaviy meʼyori 200 kVt·soatdan 350 kVt·soatga oshirildi;
- 15 noyabrdan aholi uchun suyultirilgan gazning chakana sotish narxi 1 kilogramm uchun 5 000 soʻm (QQS bilan) etib belgilandi. Xarajatlar bilan bu narx oʻrtasidagi farq davlat byudjetidan subsidiya sifatida qoplanadi;
- Ehtiyojmand oilalarga xarid qilingan suyultirilgan gazning har kilogrammi uchun 3 000 soʻmdan, oyiga 20 kilogrammgacha kompensatsiya toʻlanadi. Yaʼni, bir oyda 60 ming soʻmgacha yordam beriladi;
- Mablagʻ ijtimoiy kartaga oʻtkaziladi. Kompensatsiya 2030 yilgacha toʻlab boriladi.
