Iqtisodiy jinoyatlarga qarshi kurashish departamenti tergovchisi qoʻlga olindi
Xodim olib borilayotgan tergov harakatlarini ayblanuvchi foydasiga hal qilish evaziga pora olishda gumonlanmoqda.
Korrupsiyaga qarshi kurashish yoʻnalishida Davlat xavfsizlik xizmati xodimlari tomonidan Bosh prokuraturaning Shaxsiy xavfsizlik boshqarmasi bilan hamkorlikda tezkor tadbir oʻtkazildi.
Tadbir davomida Iqtisodiy jinoyatlarga qarshi kurashish departamentining Fargʻona shahar boʻlimi tergovchisi Jinoyat Kodeksining 167–moddasi bilan qoʻzgʻatilgan jinoyat ishi doirasida olib borilayotgan tergov harakatlarini ayblanuvchi foydasiga hal qilish, yetkazilgan zarar miqdorini kamaytirish va unga nisbatan eʼlon qilingan qidiruvni bekor qilib berish evaziga pora olganlikda gumon qilinib ushlandi.
Holat yuzasidan mazkur shaxsga nisbatan Jinoyat Kodeksining 210-moddasi 3-qismi “a” bandi bilan jinoyat ishi qoʻzgʻatilib, tergov harakatlari olib borilmoqda.
