Lavrov Zelenskiy Putin bilan uchrashish uchun Moskvaga borishi kerakligini aytdi
Biroq Zelenskiy Moskvaga borishni qatʼiyan rad etib keladi.
Agar Ukraina Prezidenti Vladimir Zelenskiy Rossiya yetakchisi Vladimir Putin bilan uchrashmoqchi boʻlsa, u Moskvaga kelishi kerak. Rossiya tashqi ishlar vaziri Sergey Lavrov bu haqda Atlantada boʻlib oʻtgan G20 tashqi ishlar vazirlari uchrashuvining birinchi kunidan soʻng maʼlum qildi.
"U (Putin) buni Zelenskiy toʻgʻridan-toʻgʻri uchrashuv oʻtkazishga chaqirganidan keyin aytdi. Prezident Putin esa agar Zelenskiy uchrashmoqchi boʻlsa, u Moskvaga kelishi kerakligini aytdi; biz uning xavfsizligini taʼminlaymiz.
Yana bir bor aytaman: agar u uchrashmoqchi boʻlsa, u Moskvaga kelishi kerak", dedi u (TASS iqtibos keltirgan).
Lavrovning qoʻshimcha qilishicha, Putin Zelenskiy bilan uchrashishga tayyorligini bildirgan.
Matbuot anjumanida Lavrov shuningdek, "yevropalik jurnalistlar Ukraina rasmiylarining bayonotlaridan ehtiyot boʻlishlari va ularga ishonmasliklari kerakligi"ni taʼkidladi. Rossiya tashqi ishlar vaziri nemis ommaviy axborot vositalarining Rossiya nima uchun Ukraina bilan yuzma-yuz uchrashuvdan koʻra telefon orqali suhbatni afzal koʻrishi haqidagi savoliga shunday javob berdi.
23 sentabr kuni Rossiya prezidenti matbuot kotibi Dmitriy Peskov Zelenskiy muzokaralar uchun Moskvaga borishi mumkinligini aytdi. Unga barcha zarur xavfsizlik kafolatlari beriladi. Biroq, Zelenskiy Moskvaga borishni qatʼiyan rad etib keladi.
30 oktabr kuni esa Putinning yordamchisi Ushakov Rossiya va Qoʻshma Shtatlar noyabr oyida Abu-Dabida Ukraina boʻyicha uch tomonlama uchrashuv oʻtkazish sanasini kelishib olganini eʼlon qildi.
