Kongoda Eboladan vafot etganlar soni 5 ming kishidan oshdi
Mutaxassislar epidemiyaning haqiqiy koʻlami rasmiy maʼlumotlardan ancha katta boʻlishi mumkinligini istisno qilmaydi. Kasallik Kongo Demokratik Respublikasida tarqalishda davom etmoqda, mintaqadagi boshqa mamlakatlarda ham holatlar aniqlanmoqda.
Kongo Demokratik Respublikasida Ebola virusidan vafot etganlar soni 5 026 kishiga yetdi, deb xabar beradi DW.
Hozirda 1 101 kishi davolanmoqda yoki karantinda. Ilgari virus bilan kasallangan yana 2 788 bemor sogʻayib ketdi.
Mutaxassislar epidemiyaning haqiqiy koʻlami rasmiy maʼlumotlardan ancha katta boʻlishi mumkinligini istisno qilmaydi. Ularning taxminlariga koʻra, virus mamlakatda fevral oyidan beri, epidemiya 15 may kuni rasman eʼlon qilinishidan bir necha oy oldin tarqalib ketgan boʻlishi mumkin.
Hozirgi epidemiyaga Bundibugyo shtammi sabab boʻlgan. Kasallik Kongo Demokratik Respublikasida tarqalishda davom etmoqda, mintaqadagi boshqa mamlakatlarda ham holatlar aniqlanmoqda.
Epidemiyaga qarshi kurashdagi qiyinchiliklardan biri erta aniqlashdir. Baʼzi Ebola alomatlari boshqa kasalliklarga oʻxshash boʻlib, virus uzoq vaqt davomida aniqlanmasligiga imkon beradi.
Infeksiya kasallangan odamning biologik suyuqliklari bilan bevosita aloqa qilish orqali yuqadi va jiddiy oqibatlarga, shu jumladan oʻlimga olib kelishi mumkin.
