Noyabr boshida aksincha kam yomgʻir yogʻadi — Oʻzgidromet
Oʻzgidromet noyabr oyining birinchi oʻn kunligida kuchli yomgʻirlar boʻlishi haqidagi tarqalayotgan prognozlarni rad etdi.
Noyabr oyi boshida Oʻzbekistonda kuchli yomgʻirlar kuzatilishi boʻyicha xabar rad etildi. Gidrometeorologiya xizmati agentligi bu haqda izoh berdi.
Ijtimoiy tarmoq va messendjerlardagi axborot kanallarida Oʻzgidromet noyabr oyining birinchi oʻn kunligida kuchli yomgʻirlar boʻlishi haqida prognoz bergani toʻgʻrisida xabarlar tarqalmoqda.
"Albatta, kuz mavsumiga xos boʻlgan yomgʻirli kunlarni barchamiz kutmoqdamiz. Biroq sinoptiklar prognozlariga koʻra, aksincha, yaqin kunlarda yogʻingarchilik kuzatiladigan kunlar soni kam boʻlishi kutilmoqda. Shu bois, ijtimoiy tarmoqlarda tarqalayotgan xabarlarga munosabat bildirishda rasmiy manbalarga tayanishingizni soʻraymiz", deyiladi xabarda.
Avvalroq Toshkentdagi havo inversiyasi qachongacha davom etishi aytilgandi.
