Jizzaxda bogʻcha mudirasi qotillik qurboni boʻldi
Ayolni oʻldirishda uning eri gumonlanmoqda. Maʼlum qilinishicha, u voqeadan keyin 102 raqamiga oʻzi qoʻngʻiroq qilib, hodisa haqida xabar bergan.
Jizzax viloyati Zarbdor tumanida bogʻcha mudirasi qotillik qurboni boʻldi. Uning ikki nafar farzandi boʻlgan.
Bosh prokuratura matbuot kotibi Hayot Shamsutdinovga koʻra, 2026 yil 29 oktabr kuni Zarbdor tuman prokuraturasi tomonidan holat yuzasidan Jinoyat kodeksining 97-moddasi 1-qismi (qasddan odam oʻldirish) bilan jinoyat ishi qoʻzgʻatilgan.
Prokuratura gumonlanuvchi marhumaning turmush oʻrtogʻi ekanini tasdiqladi. Maʼlum qilinishicha, u voqeadan keyin 102 raqamiga oʻzi qoʻngʻiroq qilib, hodisa haqida xabar bergan.
Gumonlanuvchi Jinoyat-protsessual kodeksining 221-moddasi tartibida ushlangan.
