Toshkentdagi havo inversiyasi qachongacha davom etishi aytildi
Hozirda chang va ifloslantiruvchi moddalar havoga doimiy ravishda chiqib turibdi. Agar shamol esmasa, ularning tarqalib ketishi qiyinlashadi. Yomgʻir yogʻsa ham havodagi chang zarrachalarini yuvib tushiradi.
Toshkentda atmosfera inversiyasi yana saqlanishi mumkin. Gidrometerologiya xizmati agentligi bu haqda maʼlum qildi.
Toshkent shahrida atmosfera inversiyasi davom etishi mumkinligi haqida xabar berilgan edi. Yangi prognozlarga koʻra, bu holat yana 10 kun saqlanib qolishi mumkin.
Nega havo ifloslanishi kuchaymoqda?
Bu jarayonni oddiy misol bilan tushuntirish mumkin: chang va ifloslantiruvchi moddalar havoga doimiy ravishda chiqib turibdi. Agar shamol esmasa, ularning tarqalib ketishi qiyinlashadi. Yomgʻir yogʻsa ham havodagi chang zarrachalarini yuvib tushiradi.
Shamol va yomgʻir boʻlmagan davrda ifloslantiruvchi moddalar havoda toʻplanib boradi. Atmosfera inversiyasi esa ularning yuqoriga tarqalishini yanada qiyinlashtiradi.
Kuzatishingiz mumkin, har kuni kun isigan vaqtda shamol esib, chang tarqab, ifloslanganlik darajasi nisbatan pasaymoqda. Tongda va kechki paytga kelib inversiya taʼsirida chang tarqalmasdan ifloslanish darajasi ortmoqda.
Taʼkidlash kerak, atmosfera havosi sifatini yaxshilash uchun bir qator ishlar amalga oshirilmoqda. Ulardan, shaharda avtomobil yoʻllariga suv sepilishi, issiqxonalarda filtrlar oʻrnatilishi, koʻkalamzorlashtirish ishlari, qurilish maydonlarida chang koʻtarilmasligini nazorat qilish va boshqalar.
Shu bilan birga, atrof-muhitni ifloslantirayotgan issiqxonalar va sanoat korxonalariga reydlar uyushtirilmoqda.
