Toshkentda changni kamaytirish uchun qariyb 100 ta maxsus texnika jalb etildi
Taʼkidlanishicha, yoʻl qoplamasini muntazam namlash changning bosilishiga va uning havoga koʻtarilishini kamaytirishga yordam beradi.
Toshkent koʻchalarida chang koʻtarilishini kamaytirish va havodagi namlikni oshirish maqsadida qariyb 100 ta maxsus texnika yordamida suv sepish ishlari olib borilmoqda. Bu haqda poytaxt hokimligi xabar berdi.
Taʼkidlanishicha, yoʻl qoplamasini muntazam namlash changning bosilishiga va uning havoga koʻtarilishini kamaytirishga yordam beradi.
Shuningdek, shaharda favvoralar va sugʻorish tizimlari ham ishga tushirilmoqda. Bu choralar koʻchalardagi namlikni oshirish, shahar muhitini yanada qulay qilishga qaratilgan.
Suv sepish, sugʻorish va favvoralar faoliyati shahar mikroiqlimini yaxshilash, chang miqdorini kamaytirish hamda aholi uchun qulay muhit yaratishga xizmat qiladi, deyiladi xabarda.
