Ilon zaharidan saratonga qarshi dori yaratish mumkinmi?
Milliy biofarmatsevtika ilmiy tadqiqot instituti vakili Hayotbek Abdullayev hammuallifligidagi maqolada aynan shu savolga oid ilmiy izlanishlar tahlil qilindi.
Ilon zaharidan saratonga qarshi dori yaratish mumkinmi? Milliy biofarmatsevtika ilmiy tadqiqot instituti vakili Hayotbek Abdullayev hammuallifligidagi maqolada aynan shu savolga oid ilmiy izlanishlar tahlil qilindi. Maqola xalqaro Saudi Pharmaceutical Journal jurnalida chop etildi.
Ilon zahari tarkibidagi ayrim oqsil va peptidlar saraton hujayralarining koʻpayishi hamda organizmda tarqalishini cheklash xususiyatiga ega boʻlishi mumkin. Olimlar ushbu moddalar asosida yangi dori vositalarini yaratish imkoniyatlarini oʻrganmoqda.
Asosiy masala — bu moddalarni oʻsma hujayralariga yetkazib, sogʻlom toʻqimalarga zararini kamaytirish. Maqolada shu maqsadda nanozarrachalar va liposomalardan foydalanish, shuningdek, peptidlarning tuzilishini takomillashtirishga oid yondashuvlar yoritilgan.
Mualliflar ushbu yoʻnalishda qoʻshimcha tadqiqotlar oʻtkazish, davolashning xavfsizligi va samaradorligini klinik sinovlarda tasdiqlash zarurligini qayd etgan.
