Qirgʻizistonda viloyat va tumanlar tugatiladi
Ularning oʻrniga 20 dan ortiq yirik hududlar (aymoqlar) boʻladi. Ushbu qaror rasmiylarning mahalliy boshqaruv tuzilmalarini optimillashtirish istagi bilan izohlangan.
Qirgʻiziston mamlakatning maʼmuriy boʻlinishi qayta koʻrib chiqadi: 40 ta tuman va 7 ta viloyat oʻrniga 20 dan ortiq yirik hududlar (aymoqlar) boʻladi.
Bu haqda Mahalliy oʻzini oʻzi boshqarish davlat agentligi rahbari Elchibek Jantayev "Kabar" dasturida maʼlum qildi. Ushbu qarorning sabablaridan biri rasmiylarning mahalliy boshqaruv tuzilmalarini optimillashtirish istagi boʻldi.
"Tumanlardan kattaroq, ammo viloyatlardan kichikroq hududlar tashkil etiladi. Masalan, Issiqkoʻl viloyati janub va shimolga boʻlingan. Jalolobod va Oʻsh viloyatlarida kichik tumanlar mavjud, ammo yaqin atrofda joylashgan katta, potensial tumanlar mavjud. Ushbu tamoyillar asosida tumanlar birlashtirilmoqda", dedi Jantayev.
Uning fikricha, hududlarni birlashtirish hududlarga kattaroq byudjet pullari ajratish imkonini beradi.
2023 yilda mamlakatda maʼmuriy-hududiy islohotlarning birinchi bosqichi boshlandi. Oʻsha paytda baʼzi tumanlarning chegaralari oʻzgartirildi va bir nechta aholi punktlari Bishkek va Oʻsh kabi shaharlarga qoʻshildi. Natijada tumanlar soni deyarli ikki baravarga – 452 tadan 231 tagacha kamaydi, shaharlar soni esa 32 tadan 33 tagacha koʻpaydi.
