Olis hududlarda ishlaydigan shifokorlarning oylik qoʻshimcha ustamasi oshiriladi
Bunday hududga ishga kirgan shifokorga 50 million soʻm bir martalik ragʻbat puli ham beriladi.
Davlatimiz rahbari shifokor mehnatining qadri haqida soʻz yuritib, maʼrifatparvar alloma Abdurauf Fitratning «Insonga xizmat qilgan har bir soha muqaddas, ammo inson sogʻligʻiga xizmat qilgan soha – ulugʻroqdir» degan soʻzlarini esladi.
Tizimda kamida 15 yil ishlagan xodimlarning ipoteka kreditining bir qismini qoplash uchun 50 milliard soʻm ajratildi. Shu imkoniyat orqali kelasi yil 1 ming nafar tibbiyot xodimi yangi uyga koʻchib oʻtadi.
Bu imkoniyat yosh kadrlar uchun ham joriy qilinadi: har yili 500 nafar yosh tibbiyot xodimining ipoteka krediti boshlangʻich badalining 25 foizi qoplab beriladi.
Kelgusi yildan olis hududlarda ishlaydigan barcha shifokorlarning oylik qoʻshimcha ustamasi 2 million soʻmdan 4,5 million soʻmga oshiriladi. Bunday hududga ishga kirgan shifokorga 50 million soʻm bir martalik ragʻbat puli ham beriladi.
