Eron elchixonalarining Samarqand boʻyicha siyosiy postlari tarmoqlardan oʻchirildi
Ushbu postlar sabab joriy yilning 23 oktabr kuni Eronning Oʻzbekistondagi Favqulodda va muxtor elchisi Muhammad Ali Iskandariy Tashqi ishlar vazirligiga chaqirtirilgandi.
Eron elchixonalarining Samarqand boʻyicha siyosiy postlari tarmoqlardan oʻchirilgani maʼlum qilindi.
26 oktabr Eron Islom Respublikasining Armaniston, Bolgariya, Zimbabve, Finlyandiya va Xitoydagi elchixonalari tomonidan Oʻzbekistonning tarixiy-madaniy merosi bilan bogʻliq, siyosiy mazmundagi bayonotlar vakolatxonalarning X tarmogʻidagi sahifalaridan olib tashlandi. Bu haqda Oʻzbeksiton Tashqi ishlar vazirligi matbuot kotibi Omonulla Fayziyev maʼlum qildi.
Joriy yilning 19 oktabr kuni AQSh Davlat kotibi Marko Rubio Samarqandga kelgan edi va u Registon maydonidan turib murojaat yoʻllagandi. U oʻz murojaatida Samarqand shahrini dunyoda muhim ahamiyatga ega kam sonli shaharlardan biri ekanini aytgandi.
Eron elchixonalari xabarlarida esa Samarqanda fors madaniyatining bir qismi sifatida talqin etilgan.
Ushbu postlar sabab joriy yilning 23 oktabr kuni Eronning Oʻzbekistondagi Favqulodda va muxtor elchisi Muhammad Ali Iskandariy Tashqi ishlar vazirligiga chaqirtirilgandi. Muloqot davomida Samarqand, Buxoro, Xiva va Oʻzbekistonning boshqa tarixiy shaharlari merosi koʻp asrlik tarixiy-madaniy taraqqiyotning ajralmas qismi ekani taʼkidlangan.
Eron tomonidan bahsli postlarni diplomatik vakolatxonalarning ijtimoiy tarmoqlardagi sahifalaridan olib tashlash hamda kelgusida bunday holatlar takrorlanishiga yoʻl qoʻymaslik talab qilingan.
