Tramp Eronga qarshi yana urush boshlanishi mumkinligini aytdi
U bu haqda Floridadagi saylovoldi yigʻinida gapirdi va Eronni kelishuvga chaqirdi.
AQSh prezidenti Donald Tramp Eronga qarshi yangi operatsiya oʻtkazilishini istisno qilmadi. U bu haqda Floridadagi saylovoldi yigʻinida maʼlum qildi, deb xabar beradi Channel Seven telekanali.
"Biz yana bir kichik "Epik gʻazab"ni boshlashimiz mumkin. Yoki ular (AQSh bilan kelishuvga) rozi boʻlishlari mumkin", dedi Tramp.
Amerika yetakchisi AQShning ikkita operatsiyasini esladi: yadroviy inshootlarga hujum qilgan "Midnight Hammer" va 28 fevral kuni Isroil bilan birgalikda Islom Respublikasiga amalga oshirilgan "Epik gʻazab" urushi.
Maʼmuriyat operatsiya tugaganini 5 may kuni eʼlon qildi.
AQSh prezidentining soʻzlariga koʻra, Tehron kelishuvga rozi boʻlishi kerak.
"Agar ular (Eron rasmiylari – tahr.) aqlli boʻlsalar, "Keling, ishga kirishaylik", deyishadi", dedi Tramp.
Ayni paytda, Eron parlamentining Milliy xavfsizlik va tashqi siyosat qoʻmitasi aʼzosi Feda-Huseyn Maliki Tehron Islomobod memorandumini amalga oshirishga qaytsa, Qoʻshma Shtatlar bilan muzokaralarni koʻrib chiqishga tayyorligini bildirdi.
"Aytganimdek, Eron har qanday muzokaralarni boshlash uchun memorandumga rioya qilishni shart qilib qoʻyadi... Muzokaralarga kelsak, agar amerikaliklar memorandumni amalga oshirishga qaytsalar, biz bu masalani oʻrganib chiqamiz", dedi Maliki.
Agar Qoʻshma Shtatlar va Isroil biron bir chora koʻrsa, Maliki Eronning javobi "qattiq boʻladi", deb taʼkidladi.
