Maksim Galkinning Istanbuldagi konserti Isroil sabab bekor qilindi
Rossiyalik soʻz ustasi Ukraina urushi boshlangandan soʻng Isroilga koʻchib oʻtgan va 2023 yil oktabridan keyin yahudiy davlatini qoʻllab-quvvatlashini bildirgandi.
Rossiyalik sanʼatkor Maksim Galkinning Istanbuldagi 25 oktabrga belgilangan konserti bekor qilindi.
Liter.kz nashrining A Haber`ga tayanib xabar berishicha, chiqishdan oldin sanʼatkorning Isroilni qoʻllashiga qarshi norozilik namoyishlari boʻlib oʻtdi.
Sanʼatkor soat 19:00 da Istanbul konferensiya markazining Harbiya zalida chiqish qilishi kerak edi. Biroq, konsert eʼlon qilingandan soʻng, ijtimoiy tarmoq foydalanuvchilari va jamoat tashkilotlari uning bekor qilinishini talab qilishdi.
Agar shou oʻtkazilsa, faollar maydon tashqarisida norozilik namoyishi oʻtkazishni rejalashtirishgan.
"Galkinning 2023 yil oktabr voqealaridan keyin Isroilni qoʻllab-quvvatlovchi bayonotlari norozilikka sabab boʻldi", deb taʼkidladi manba.
Natijada mahalliy hokimiyat konsertni taqiqladi. Uning soʻzlariga koʻra, chiqishni qayta rejalashtirish rejasi yoʻq va chipta egalari chipta operatorlari orqali pullarini qaytarib olishadi.
