30 oktabr kuni V «Zakovat-Gambit» shaxmat turnirining final bahslari boʻlib oʻtadi
Turnirning jami sovrin jamgʻarmasi — 620 million soʻm. Ishtirokchilar reytingiga qarab beshta guruhda bellashadi, har bir guruhda esa gʻoliblik uchun kurashish imkoniyati mavjud.
19-23 oktabr kunlari V «Zakovat-Gambit» turnirining hududiy saralash oʻyinlari boʻlib oʻtdi.
Bu yil musobaqada ishtirok etish uchun 5 831 nafar shaxmatchi roʻyxatdan oʻtdi. Quvonarlisi, ular orasida 633 nafar ayol shaxmatchi bor – bu ham rekord koʻrsatkich.
Hududiy saralashda omad kulib boqmagan yoki unda ishtirok eta olmagan shaxmat ixlosmandlari uchun ham imkoniyat bor: 24 oktabr kuni chess.com platformasida onlayn saralash oʻtkaziladi.
Saralashdan oʻtgan ishtirokchilar 28 oktabr kuni yarim finalda, eng kuchlilar esa 29–30 oktabr kunlari Toshkentda final bosqichida bellashadi.
Bu yilgi turnir mehmonlari — dunyoga mashhur grossmeysterlardir. Vengriyalik Peter Leko va Hindistonlik Hampi Koneru tashrif buyurishi rejalashtirilgan. Ular shaxmat ishqibozlari uchun maxsus seanslar oʻtkazib, oʻz tajribalari bilan boʻlishadi.
Turnirning jami sovrin jamgʻarmasi — 620 million soʻm. Ishtirokchilar reytingiga qarab beshta guruhda bellashadi, har bir guruhda esa gʻoliblik uchun kurashish imkoniyati mavjud.
