1 million soʻmlik banknota muomalaga chiqarilgani rad etildi
Ijtimoiy tarmoqlarda 1 million soʻmlik yangi banknota chiqarilgani haqida maʼlumotlar va uning surati tarqalgan.
Markaziy bank mamlakatda 1 million soʻmlik banknota muomalaga chiqarilgani haqidagi xabarlar yolgʻon ekanini maʼlum qildi.
Ijtimoiy tarmoqlarda 1 million soʻmlik yangi banknota chiqarilgani haqida maʼlumotlar va uning surati tarqalgan. Markaziy bank ushbu xabarlarga munosabat bildirib, ularni rad etgan.
"Mazkur maʼlumot asossiz boʻlib, yolgʻon va feyk ekanligini maʼlum qilamiz. U haqiqatga toʻgʻri kelmaydi", deyiladi MB bayonotida.
Markaziy bank fuqarolarga pul muomalasi bilan bogʻliq yangiliklar va boshqa rasmiy maʼlumotlarni oʻzining rasmiy axborot sahifalaridan olishni tavsiya qilgan.
Eslatib oʻtamiz, ayni damda Oʻzbekistonda eng yirik banknot 200 ming soʻmlik pullardir.
