Xitoy elchisi bayram munosabati bilan oʻzbekcha tabrik yoʻlladi

Xitoy elchisi til bayrami munosabati bilan oʻzbekcha tabrik yoʻlladi.

Xitoyning Oʻzbekistondagi favqulodda va muxtor elchisi Yuy Szyun 21 oktabr — Oʻzbek tiliga Davlat tili maqomi berilgan kun munosabati bilan Oʻzbekiston xalqiga tabrik yoʻlladi.

"Qadrli Oʻzbekistonlik doʻstlar! Sizlarni Oʻzbek tili bayrami kuni bilan chin qalbimdan tabriklayman!" degan elchi.

U tabrigini Xitoy tilida davom ettirar ekan, Oʻzbek tili oʻzbek xalqining boy madaniyati va koʻp asrlik maʼnaviy merosining ajralmas qismiligiga urgʻu bergan.

"Ishonchim komilki, xalqlarimizning bir-birining tili va madaniyatiga boʻlgan qiziqishi Xitoy va Oʻzbekiston oʻrtasidagi doʻstlik va oʻzaro anglashilishni mustahkamlashda davom etadi.

Oʻzbek tili bayrami kuni bilan! Xitoy va Oʻzbekiston xalqlari oʻrtasidagi doʻstlik abadiy boʻlsin!" — dedi Yuy Szyun.