Saida Mirziyoyeva Ashxobodda Oguljahon Atabayeva va Laylo Aliyeva bilan uchrashdi
Prezident administratsiyasi rahbari Oʻzbekiston, Turkmaniston va Ozarbayjonni koʻp asrlik doʻstlik, oʻzaro ishonch va mushtarak qadriyatlar bogʻlab turishini taʼkidladi.
Saida Mirziyoyeva Ashxobodda Gʻamxoʻrlikka muhtoj bolalarga yordam koʻrsatish xayriya jamgʻarmasi vitse-prezidenti Oguljahon Atabayeva hamda Haydar Aliyev jamgʻarmasi vitse-prezidenti Laylo Aliyeva bilan uchrashdi.
“Muloqotlar yaxshi anʼanaga aylanib qoldi. Har safar fikr almashganimizda umumiy gʻoyalarimiz boyib, hamkorlikda yangidan-yangi loyihalar yuzaga kelmoqda.
Oʻzbekiston, Turkmaniston va Ozarbayjonni koʻp asrlik doʻstlik, oʻzaro ishonch va mushtarak qadriyatlar bogʻlab turadi.
Uchrashuvlarimiz bundan keyin ham faqat yaxshilikka xizmat qilishini, odamlarga nafi tegadigan ezgu amallarga aylanib, mamlakatlarimizni bir-biriga yanada yaqinlashtirishini istardim”, – deb yozdi Prezident Administratsiyasi rahbari.
