Qirgʻizistonda askarlarni uy qurilishiga ishlatgan komandir hibsga olindi
Harbiyga nisbatan Qirgʻiziston Jinoyat kodeksining 337-moddasi "Lavozim vakolatini suiisteʼmol qilish" boʻyicha jinoiy ish qoʻzgʻatilgan.
Qirgʻiziston Milliy xavfsizlik qoʻmitasi Mudofaa vazirligi Milliy Gvardiyasining harbiy boʻlinmasi komandirini hibsga oldi. Bu haqda xavfsizlik xizmatlari xabar berdi.
Ularning maʼlumotlariga koʻra, komandir oʻzining shaxsiy uyini qurishga harbiy xizmatchilarni muntazam ravishda jalb qilganlikda gumon qilinmoqda.
Hodisa 20 oktabr kuni Harbiy prokuratura bilan hamkorlikda fosh etildi. Qurilish ishlarida ishtirok etgan harbiy xizmatchilar orasida oʻsha paytda 24 soatlik navbatchilikda boʻlganlar ham bor edi.
Qirgʻiziston Jinoyat kodeksining 337-moddasi "Lavozim vakolatini suiisteʼmol qilish" boʻyicha jinoiy ish qoʻzgʻatildi.
Ofitser hibsga olindi va Bishkek Ichki ishlar bosh boshqarmasining vaqtinchalik hibsxonasiga joylashtirildi.
