Tramp Putin va Si Szinpin bilan uch tomonlama uchrashuv oʻtkazishga tayyorligini bildirdi

AQSh prezidenti Donald Tramp Rossiya prezidenti Vladimir Putin va Xitoy rahbari Si Szinpin bilan uch tomonlama uchrashuvda ishtirok etishga tayyor.

Forbes maʼlumotlariga koʻra, Tramp jurnalistlarga: "Agar yetakchi Si bunday uchrashuv oʻtkazishni istasa, men tayyorman", deya bayonot bergan.

"Ukrainani muhokama qilish uchun unchalik koʻp narsa yoʻq, chunki ochigʻini aytganda, Rossiya Ukrainaga nisbatan oʻzini juda normal tutdi. Biz bu uchrashuvni yadroviy qurol va yadroviy qurolsizlanishni muhokama qilish uchun oʻtkazamiz", deb qoʻshimcha qildi AQSh prezidenti.

U Ukraina prezidenti Vladimir Zelenskiyni tanqid qilib, u Rossiya bilan mojaroni tugatishni istamasligini va Ukraina xalqi nomidan boshqa birov muzokaralar olib borishi vaqti kelganini daʼvo qildi.

19 oktabr kuni manbalar The Wall Street Journal nashriga Putin Ukrainani muhokama qilish uchun Tramp va Si Szinpin oʻrtasida uch tomonlama sammit oʻtkazishni taklif qilganini aytishdi. Putin goʻyoki Zelenskiy ishtirokisiz Moskva uchun qulay shartlarda mojaroni tugatish boʻyicha muzokaralar olib bormoqchi.

WSJ manbalarining xabar berishicha, Pekin agar Tramp uchrashuvga rozi boʻlsa, eʼtiroz bildirmasligini bildirgan.

Soʻnggi haftalarda Donald Tramp Ukraina nisbatan bosimni qayta tikladi, undan Rossiya neftni qayta ishlash zavodlariga hujumlarni toʻxtatishni, prezidentlik saylovlarini oʻtkazishni va Rossiya bilan kelishuvga erishishni talab qildi. Tramp Qoʻshma Shtatlarga Rossiya dizel yoqilgʻisini yetkazib berishga ruxsat berdi va Rossiyaga qarshi "doʻzax sanksiyalari"ni joriy etish rejasidan voz kechdi.