Marko Rubio va til: davlat kotibiga savolni xorijlik jurnalist bergani maʼlum boʻldi
AQSh davlat kotibi Marko Rubioning Registon maydoniga tashrifi davomida unga rus tilida savol berilgani ijtimoiy tarmoqlarda turli muhokamalarni keltirib chiqardi.
Ayrim chet el nashrlari savol mahalliy jurnalist tomonidan berilganiga eʼtibor qaratmoqda.
Registon maydonidagi matbuot muloqotida til bilan bogʻliq replika AQSh Davlat kotibi Marko Rubio va savol bergan Bloomberg agentligi jurnalisti Erik Martin oʻrtasidagi qisqa suhbat chogʻida yangradi.
Rubio suhbatdoshi rus tilida gapira olishini bilgach, unga “Bu yerning tili — oʻzbekchani bilasizmi? Bu qaysi til, rus tilimi? Rus tili bu yerda allaqachon rasmiy til emas, lekin koʻpchilik shu tilda gaplashadi, buni tushunaman” dedi.
Suhbat davomida aytilgan til haqidagi fikrlar aynan Bloomberg jurnalistiga tegishli.
