Kim Chen In komaga tushgani haqidagi xabarlar fonida koʻrinish berdi
Buyuk Britaniyaning The Sun gazetasi bir kun oldin Shimoliy Koreya yetakchisi insultni boshdan kechirgani va komaga tushib qolgani haqida xabar tarqatgandi.
Shimoliy Koreya ommaviy axborot vositalari mamlakat yetakchisi Kim Chen Inning sogʻligʻi yomonlashgani haqidagi xabarlar fonida uning soʻnggi tadbirlardagi suratlarini chop etishdi.
"Koreya Mehnat partiyasi bosh kotibi va KXDR Davlat ishlari boʻyicha raisi, hurmatli oʻrtoq Kim Chen In 19 oktabr kuni yengil sanoatdagi kiyim-kechak va poyabzal koʻrgazmasiga tashrif buyurdi", deb xabar berdi Koreya axborot agentligi.
Agentlik Kim Chen Inning rafiqasi Ri Sol Chju va qizi Kim Chju E bilan birga namoyish etilgan kiyim-kechak va poyabzallarni koʻzdan kechirayotgan suratlarini chop etdi.
Suratlarda u sogʻlom koʻrinadi.
The Sun gazetasi bir kun oldin Shimoliy Koreya yetakchisi insultni boshdan kechirgani va komaga tushib qolgani haqida xabar bergan edi. Baʼzi ommaviy axborot vositalari agar Kim Chen In nogiron boʻlib qolsa, uning singlisi Kim Yo Chjon vaqtincha hokimiyatni egallab olishi va keyin Shimoliy Koreya yetakchisining 13 yoshli qizi Kim Chju Ega topshirishi haqida taxmin qilishmoqda.
