Firibgarlikda ayblangan shaxs Istanbulda qoʻlga olindi
Mazkur shaxs belgilangan tartibda Oʻzbekiston Respublikasining sud organlariga topshirildi.
Oʻzbekiston va Turkiya huquqni muhofaza qiluvchi organlari oʻrtasidagi hamkorlik davomida Istanbul shahrida xalqaro qidiruvda boʻlgan Oʻzbekiston fuqarosi aniqlandi va qoʻlga olindi. Bu haqda Oʻzbekistonning Istanbul shahridagi konsulxonasi xabar qildi.
Xususan, Oʻzbekiston Respublikasi Jinoyat kodeksining 168-moddasi 3-qismi (firibgarlik) bilan ayblanib, xalqaro qidiruvda boʻlgan U.N. qoʻlga olindi.
Mazkur shaxs belgilangan tartibda Oʻzbekiston Respublikasining sud organlariga topshirildi.
Oʻzbekiston va Turkiya vakolatli idoralari oʻrtasida jinoyatchilikka qarshi kurashish, xalqaro qidiruvdagi shaxslarni aniqlash va ularning javobgarlikdan qochib yurishiga yoʻl qoʻymaslik borasidagi hamkorlik izchil davom etmoqda.
