Qibraydagi yer maydonidan giyohvand moddalar va qurol topildi
Jami 7 kg “marixuana” giyohvandlik vositasi, IJ-38 rusumli pnevmatik qurol va 12 mm kalibrli 3 dona patron ashyoviy dalil sifatida olindi.
Davlat xavfsizlik xizmatining Toshkent shahar boʻyicha boshqarmasi hamda poytaxt Ichki ishlar bosh boshqarmasi xodimlari hamkorligida tezkor tadbir oʻtkazildi.
Tadbir davomida Toshkent viloyatining Qibray tumanida yashovchi, 1986 y.t., muqaddam sudlangan fuqaroga qishloq xoʻjaligi yoʻnalishida foydalanish uchun uzoq muddatga ijaraga berilgan yer maydoni chetida joylashgan ikkita konteyner xolislar ishtirokida koʻzdan kechirildi.
Natijada, konteynerlardan quruq holatda saqlanayotgan jami 7 kg “marixuana” giyohvandlik vositasi, IJ-38 rusumli pnevmatik qurol va 12 mm kalibrli 3 dona patron ashyoviy dalil sifatida olindi.
Hozirda holat yuzasidan tergovga qadar tekshiruv harakatlari olib borilmoqda.
