Kurerni haqorat qilgan restoran xodimiga maʼmuriy ish ochildi
Poytaxt IIBBga koʻra, Brasserie Park restorani piyodalar yoʻlagining bir qismini noqonuniy ravishda oʻz hududiga qoʻshib olgan.
Toshkentda kurerni haqorat qilgan restoran xodimiga maʼmuriy ish ochildi.
Poytaxt IIBBga koʻra, Brasserie Park restorani piyodalar yoʻlagining bir qismini noqonuniy ravishda oʻz hududiga qoʻshib olgan.
17 yoshli yigit shu yoʻlakdan skuterda oʻtmoqchi boʻlganida, restoran xodimi uni toʻxtatishga uringan.
Shundan soʻng 36 yoshli shaxsga nisbatan mayda bezorilik boʻyicha maʼmuriy bayonnoma tuzilib, hujjatlar sudga yuborildi.
Bundan tashqari, hokimlik restoranning piyodalar yoʻlagida tashkil etilgan yozgi maydonchasi olib tashlanganini maʼlum qildi.
Keyinchalik restoran xodimi ham kurerdan kechirim soʻradi.
