Yuzlab samolyotlar dron tahdidi sabab Moskvaga qoʻna olmadi
Natijada Toshkentdan uchib kelayotgan "Aeroflot" reysi Sankt-Peterburgga, Samarqanddan uchib kelayotgan Ural Airlines reysi esa Yekaterinburgga yoʻnaltirildi.
16 oktabr kuni Oʻzbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qoʻna olmadi.
Xabar berilishicha, tungi parvozlarga cheklovlar qoʻyilganidan soʻng, Moskva aeroportlarida 370 dan ortiq reyslar kechiktirildi yoki bekor qilindi. Toshkentdan uchib kelayotgan "Aeroflot" reysi Sankt-Peterburgga, Samarqanddan uchib kelayotgan Ural Airlines reysi esa Yekaterinburgga yoʻnaltirildi.
Moskva meri Sergey Sobyaninning soʻzlariga koʻra, tungi vaqtda shaharga yaqinlashayotganda 134 ta dron urib tushirilgan. Parvozlarga qoʻyilgan cheklovlar bugun ertalab bekor qilina boshladi.
Bundan tashqari Rosaviatsiya xabarlariga koʻra, Sankt-Peterburg (Pulkovo), Penza, Saratov, Saransk, Ufa, Gelendjik, Kaluga, Nijniy Novgorod, Tambov, Perm, Pskov, Kaliningrad, Cherepovets, Qozon, Yaroslavl, Ulyanovsk, Cheboksari, Kirov, Samara, Yekaterinburg, Tyumen, Nijnekamsk va Ijevsk aeroportlarida vaqtinchalik cheklovlar joriy etildi.
Rossiya Mudofaa vazirligi ertalabki yangilanishida Rossiyaning 26 ta mintaqasida 644 ta Ukraina uchuvchisiz uchish apparati yoʻq qilingani yoki ushlangani haqida xabar berdi.
