Diyora Keldiyorova ikki yarim yillik tanaffusdan soʻng katta sportga qaytmoqda
Keldiyorova Aktau Asian Open 2026 musobaqasining eng yulduzli ishtirokchisi boʻlib, amaldagi Olimpiada chempioni sifatida tilla rang yozuvli kimonoda tatamiga chiqadi.
17-18 oktabr kunlari Qozogʻistonning Aktau shahrida dzyudo boʻyicha Aktau Asian Open 2026 turniri boʻlib oʻtadi.
Aynan shu musobaqada ikki yarim yillik tanaffusdan soʻng Parij-2024 Olimpiadasi chempioni Diyora Keldiyorova ishtirok etadi. Hamyurtimiz uchun bu Olimpiya oʻyinlaridan keyingi ilk turnir boʻladi.
Keldiyorova Aktau Asian Open 2026 musobaqasining eng yulduzli ishtirokchisi boʻlib, amaldagi Olimpiada chempioni sifatida tilla rang yozuvli kimonoda tatamiga chiqadi.
Qurʼa natijasiga koʻra, Diyora oʻz ishtirokini toʻgʻridan-toʻgʻri ikkinchi bosqichda qozogʻistonlik Nuraylim Sarsenbekka qarshi uchrashuv bilan boshlaydi.
Umuman olganda, Aktau turnirida 7 davlatning jami 182 nafar dzyudochisi medallar uchun bahslarga kirishadi. Ular orasida oʻzbekistonlik 25 nafar dzyudochi ham bor.
