Xitoy Isroilga Falastin boʻyicha chaqiriq bilan chiqdi
Tashqi ishlar vaziri Van I Isroilni Gʻarbiy Sohilda aholi punktlarini qurish amaliyotidan voz kechishga chaqirdi. U Ozarbayjonda Isroil prezidenti bilan uchrashdi.
Xitoy tashqi ishlar vaziri Van I Isroilni Gʻarbiy Sohilda aholi punktlarini qurish amaliyoti orqali egallashdan voz kechishga chaqirdi.
Diplomatning bayonoti vazirlik veb-saytida chop etilgan.
U 2 million tinch aholini qoʻllab-quvvatlash uchun Gʻazo sektoriga kirish yoʻlaklarini ochishni shoshilinch ustuvor vazifa deb atadi.
"Shu bilan birga, Isroil Gʻarbiy Sohilda majburan aholi punktlarini barpo etish amaliyotini toʻxtatishi va bekor qilishi kerak", dedi Van I Bokuda Isroil prezidenti Isaak Gersog bilan uchrashuvda.
Tashqi ishlar vaziri tinchlik Xitoyning Yaqin Sharq siyosatining "tayanchi" ekanligini taʼkidladi. U Falastin masalasini "asrning eng katta tarixiy adolatsizligi" deb atadi. Xitoy toʻgʻri yechim "ikki davlat uchun ikki xalq" tamoyilini amalga oshirish deb hisoblaydi.
Xitoy Tashqi ishlar vazirligining maʼlumotlariga koʻra, Gersog mamlakat tinchlikka intilayotganini, ammo milliy xavfsizlikka oid muammolarga javob berishga majbur ekanligini aytgan.
