Grin karta 1 noyabrdan boshlanishi kutilmoqda
Sud AQSh davlat departamentiga tegishli talabni yoʻlladi. Roʻyxatdan oʻtish 30 kun davom etishi kerak. Davlat departamenti dastur talablariga javob beradigan va kerakli hujjatlarni taqdim etgan shaxslardan onlayn arizalarni qabul qilishi shart.
San-Diyegodagi federal sudya AQSh Davlat departamentiga "grin-karta lotereyasi" nomi bilan tanilgan Turli millatlarga mansub immigrantlar uchun viza dasturi (DV-2027) uchun roʻyxatdan oʻtishni qayta ochishni buyurdi.
Bu shaxslarga Qoʻshma Shtatlarda doimiy yashash uchun ariza berish imkonini beradi. Dastur doirasida har yili 55 000 tagacha viza beriladi.
Sudya Djinsuk Ota 14 oktabr kuni qaror chiqardi. Ilgari, AQSh hukumati roʻyxatdan oʻtishni belgilangan muddatgacha ochmagan va keyin dasturni ishga tushirish uchun juda kech deb eʼlon qilgan edi.
Roʻyxatdan oʻtish 30 kunga ochilishi va noyabr oyidan boshlanishi kerak.
Sud AQSh Davlat kotibi Marko Rubioga roʻyxatdan oʻtishning boshlanish va tugash sanalarini 15 oktabr kuni yarim tundan kechiktirmay ommaga eʼlon qilishni buyurdi. Eʼlonda shuningdek, arizalarni topshirish uchun rasmiy veb-sayt va muvofiqlik talablari ham boʻlishi kerak.
Roʻyxatdan oʻtish 30 kun davom etishi kerak. Davlat departamenti dastur talablariga javob beradigan va kerakli hujjatlarni taqdim etgan shaxslardan onlayn arizalarni qabul qilishi shart.
Bundan tashqari, agentlik lotereya gʻoliblarini xabardor qilishi va ularning arizalarini odatdagidek mavjud vizalar tugaguniga qadar yoki moliyaviy yil tugaguniga qadar — 2027-yil sentabr oyi oxirida koʻrib chiqishi kerak.
