Toshkent xalqaro aeroporti yaqinida sunʼiy koʻl qurilishi boshlandi
Koʻl atrofidagi 5 gektar maydonda sayr, yugurish va velosiped yoʻlakchalari, bolalar maydonchalari, oʻrindiqlar va barbekyu zonalari barpo etiladi. Ishlar yil oxirigacha yakunlanishi rejalashtirilgan.
Sergeli tumanining Qumariq mahallasidagi 17 ming kvadrat metr (1,7 gektar) maydonda favvorali sunʼiy koʻl qurish boshlandi. Bu haqda poytaxt hokimligi xabar berdi.
Bu poytaxtning barcha tumanlarida 12 ta sunʼiy suv havzasini tashkil etish loyihasining bir qismidir.
"Suv havzasi changni kamaytirish, havoni namlantirish va atrof-muhitda yanada qulay mikroiqlimni shakllantirishga xizmat qilishi kutilmoqda. Bu yerda aholi dam olishi, sayr qilishi va sport bilan shugʻullanishi mumkin boʻladi", — deyiladi xabarda.
Koʻl atrofidagi 5 gektar maydonda sayr, yugurish va velosiped yoʻlakchalari, bolalar maydonchalari, oʻrindiqlar va barbekyu zonalari barpo etiladi. Hozirda konstruksiyani armaturalash va mustahkamlash, shuningdek, koʻlni saqlab turuvchi himoya devorni shakllantirish ishlari olib borilmoqda.
Geologiya xulosalari hudud sunʼiy koʻl barpo etish talablariga muvofiq kelishini tasdiqlagan. Geologiya xulosalari hudud sunʼiy koʻl barpo etish talablariga muvofiq kelishini tasdiqlagan. Noyabrga qadar koʻl atrofida uzunligi qariyb 800 metr boʻlgan devor qurishni yakunlash va boʻlajak koʻl oʻzanidan tuproqni olib chiqish rejalashtirilgan
Hozirga qadar asosiy ishlarning 30 foizdan ortigʻi bajarilgan. Ularni yil oxirigacha yakunlash rejalashtirilmoqda.
