Qoraqalpogʻistonda sayyor qabul: kadastr va koʻchmas mulkka oid murojaatlar eshitiladi
Kadastr agentligi direktori v.b. Sadriddin Turdiyev ishtirokida sayyor qabullarda yer va koʻchmas mulk bilan bogʻliq masalalari hamda mavjud muammolarini oʻrganishga alohida eʼtibor qaratilmoqda.
Qoraqalpogʻiston Respublikasi fuqarolari hamda tadbirkorlari uchun Kadastr agentligi direktori v.b. Sadriddin Turdiyev ishtirokida sayyor qabul boʻlib oʻtmoqda.
Muloqot davomida fuqarolar va tadbirkorlarning kadastr sohasiga oid murojaatlari, yer va koʻchmas mulk bilan bogʻliq masalalari hamda mavjud muammolarini oʻrganishga alohida eʼtibor qaratilmoqda.
Sayyor qabulning asosiy maqsadi — aholi bilan bevosita muloqot qilish, murojaatlarni joyida koʻrib chiqish, ularning qonuniy yechimlarini topish hamda koʻtarilgan masalalar yuzasidan masʼullarga tegishli topshiriqlar berishdan iborat.
Bunday uchrashuvlar fuqarolar va tadbirkorlarning muammolarini yaqindan oʻrganish, davlat xizmatlari sifatini oshirish hamda kadastr sohasida ochiqlik va shaffoflikni taʼminlashga xizmat qiladi.
Eslatma: Sayyor qabul ertaga, 16 oktabr kuni Beruniy tumanida oʻtkaziladi.
Manzil: Beruniy tumani, Markaziy MFY, Xalqlar doʻstligi koʻchasi, 10D-uy (Yoshlar markazi binosi).
Boshlanish vaqti: soat 10:00 da.
Murojaat uchun: 61-224-20-31
