MrBeast qochib ketdimi? Rasmiy bayonot berildi
Aytilishicha, Jimmi Donaldson (MrBeast)ning Oʻzbekistonga tashrifi avvaldan ikki shahar – Toshkent va Samarqandni oʻz ichiga olishi rejalashtirilgan.
Oʻzbekiston Madaniyat va sanʼatni rivojlantirish jamgʻarmasi bloger MrBeast tashrifi boʻyicha rasmiy bayonot berdi.
Aytilishicha, Jimmy Donaldson (MrBeast)ning Oʻzbekistonga tashrifi avval-boshdanoq ikki shahar – Toshkent va Samarqandni oʻz ichiga olishi rejalashtirilgan edi. Dastur MrBeast jamoasi bilan oldindan kelishilgan va tasdiqlangan jadvalga muvofiq amalga oshirildi.
Dasturning hech bir bandi bekor qilinmagan va u joʻnab ketadigan sana oldindan belgilab qoʻyilgan.
Tasvirga olish guruhining qolgan aʼzolari rejalashtirilganidek, Oʻzbekistonning boshqa shaharlarida suratga olish ishlarini davom ettirmoqda.
Tashrif haqidagi aniq maʼlumotlar Oʻzbekiston Madaniyat va sanʼatni rivojlantirish jamgʻarmasining rasmiy kanallarida eʼlon qilib borilmoqda, deyiladi xabarda.
