Termizda 10-sinf oʻquvchisi YTH sodir etdi, bir kishi halok boʻldi
Dastlabki surishtiruvlarga koʻra, Termiz shahridagi 25-maktabning 10-sinf oʻquvchisi (2010 yilda tugʻilgan) haydovchilik guvohnomasiga ega boʻlmagan holda onasiga tegishli Cobalt avtomobilni yuqori tezlikda boshqarib kelgan. U tajribasizligi sababli boshqaruvni yoʻqotib, yoʻl oʻrtasidagi yoritish ustuniga borib urilgan.
Surxondaryo viloyati Termiz tumanida voyaga yetmagan shaxslar ishtirokida odam oʻlimi bilan bogʻliq yoʻl-transport hodisasi sodir boʻldi, deya xabar bermoqda viloyat YHXB.
Hodisa 9 oktabr kuni soat taxminan 01:00 atrofida D166 Termiz shahri — Namuna — Termiz xalqaro aeroporti avtomobil yoʻlining 11-kilometrida, Navroʻz mahallasi hududida yuz bergan.
Dastlabki surishtiruvlarga koʻra, Termiz shahridagi 25-maktabning 10-sinf oʻquvchisi (2010 yilda tugʻilgan) haydovchilik guvohnomasiga ega boʻlmagan holda onasiga tegishli Cobalt avtomobilni yuqori tezlikda boshqarib kelgan. U tajribasizligi sababli boshqaruvni yoʻqotib, yoʻl oʻrtasidagi yoritish ustuniga borib urilgan.
YTH oqibatida mashina salonida boʻlgan haydovchining 16 yoshli sinfdoshi olgan jarohatlari tufayli voqea joyida halok boʻlgan. Avtomobil haydovchisi esa ogʻir tan jarohatlari bilan kasalxonaning jonlantirish boʻlimiga yotqizilgan.
Holat yuzasidan Termiz tumani IIB Tergov guruhi tomonidan jinoyat ishi qoʻzgʻatilgan.
