Oʻzbekistonlik talabalar Gemini AI Plus obunasidan bepul foydalanishi mumkin boʻladi
Raqamli texnologiyalar vazirligi hamda Google hamkorligida Google’ning Xalqaro verifikatsiya boʻyicha hamkor platformasi — SheerID Oʻzbekistonni rasman qoʻllab-quvvatlanadigan davlatlar roʻyxatiga kiritdi.
Endi oʻzbekistonlik talabalar Google Gemini AI Plus obunasidan Aileaders.uz platformasi orqali bepul foydalanishlari mumkin.
Raqamli texnologiyalar vazirligi hamda Google hamkorligida Google’ning Xalqaro verifikatsiya boʻyicha hamkor platformasi — SheerID Oʻzbekistonni rasman qoʻllab-quvvatlanadigan davlatlar roʻyxatiga kiritdi.
Bu orqali talabalar Google verifikatsiyasidan muvaffaqiyatli oʻtib, 60 dollarga teng 1 yillik Google Gemini AI Plus xizmatidan mutlaqo bepul foydalanish imkoniyatiga ega boʻldilar.
Google AI Plus obunasi talabalarga qanday imkoniyatlarni taqdim etadi:
Gemini ilovasi: Foydalanish limitlari ikki barobarga oshadi va ilgʻor Flash Thinking modeliga kirish imkoniyati beriladi.
400 GB bulutli xotira: Google Foto, Disk va Gmail xizmatlari uchun umumiy katta hajmdagi xotira ajratiladi.
Google Flow: Ilgʻor generativ modellar yordamida kinematografik sahnalar va hikoyalar yaratish uchun AI-studiyaga qoʻshimcha kirish taqdim etiladi.
Gmail’da Gemini: Pochta xizmatining oʻzida Gemini’dan bevosita foydalanish imkoniyati yaratiladi.
Gemini Notebook: Tadqiqot yordamchisi funksiyalariga, jumladan, audio va video materiallarni qayta soʻzlab berish, testlar ishlash va boshqa imkoniyatlarga qoʻshimcha kirish beriladi.
Sunʼiy intellektga asoslangan musiqiy studiyaga qoʻshimcha kirish imkoniyati ochiladi.
