Bosh vazir Abdulla Aripov qashqadaryolik tadbirkorlar bilan ochiq muloqot oʻtkazdi
Unda 300 nafardan ziyod tadbirkor ishtirok etdi. Ular orasida toʻqimachilik, farmatsevtika, qurilish, xizmat koʻrsatish, qishloq xoʻjaligi va boshqa sohalarda faoliyat yuritayotgan ishbilarmonlar bor.
Bosh vazir Abdulla Aripov qashqadaryolik tadbirkorlar bilan ochiq muloqot oʻtkazdi.
Prezident Shavkat Mirziyoyev tomonidan tadbirkorlikni rivojlantirish, yangi ish oʻrinlari yaratish, aholi daromadlarini oshirish hamda biznes uchun qulay shart-sharoitlar yaratish boʻyicha belgilab berilgan vazifalar ijrosi doirasida Qarshi shahrida Oʻzbekiston Bosh vaziri Abdulla Aripov rahbarligida qashqadaryolik tadbirkorlar bilan ochiq muloqot boʻlib oʻtdi.
Unda 300 nafardan ziyod tadbirkor ishtirok etdi. Ular orasida toʻqimachilik, farmatsevtika, qurilish, xizmat koʻrsatish, qishloq xoʻjaligi va boshqa sohalarda faoliyat yuritayotgan ishbilarmonlar bor.
Muloqotning muhim jihati - tadbirkorlarning muammo va takliflarini bevosita masʼul rahbarlarga yetkazish hamda imkon qadar shu joyning oʻzida hal etishga eʼtibor qaratilganidir.
Uchrashuvda tegishli vazirlik va idoralar rahbarlari, viloyat tashkilotlari, tuman va shahar hokimlari ham ishtirok etdi.
Tadbirkorlar biznesni yuritish va kengaytirish, yangi loyihalarni amalga oshirish, moliyalashtirish, infratuzilma, yer va boshqa masalalar boʻyicha oʻz takliflarini bildirdi.
Har bir murojaat masʼul rahbarlar ishtirokida koʻrib chiqildi. Qoʻshimcha oʻrganishni talab etmaydigan masalalar joyida hal etildi, qolgan murojaatlar boʻyicha esa aniq chora-tadbirlar, ijro muddatlari va masʼullar belgilandi.
