Oʻzbekistonlik Amina Mahmudova xalqaro tanlovda ZEEKR avtomobilini qoʻlga kiritdi
Turkmanistonning Turkmanboshi shahrida "Tatar qizi - 2026" xalqaro tanlovi boʻlib oʻtdi. Tanlov dasturiga ona tili, tarix va anʼanalarni bilish koʻrsatkichlari, shuningdek, ijodiy tanlovlar kiritilgan.
Oʻzbekistonlik Amina Mahmudova "Tatar qizi - 2026" xalqaro tanlovida gʻolib boʻldi.
Final Turkmanistonning Turkmanboshi shahrida boʻlib oʻtdi, unda 12 nafar ishtirokchi gʻoliblik uchun kurashdi, deb xabar beradi Jahon tatarlari kongressi.
Taqdirlash marosimida gʻolib ota-onasiga minnatdorchilik bildirib, ularning mehr-muhabbati va qoʻllab-quvvatlashi uning muvaffaqiyatida muhim rol oʻynaganini taʼkidladi. Shuningdek, u Tatariston raisi Rustam Minnixanovga va tanlov tashkilotchilariga tatar madaniyati va tilini xalqaro sahnada namoyish etish imkoniyati uchun minnatdorchilik bildirdi.
Amina Mahmudova Botir Zokirov nomidagi Milliy estrada sanʼati institutida tahsil olmoqda, u yerda qoʻshiq aytishni oʻrganmoqda va vokal oʻqituvchisi boʻlib ishlamoqda. Tanlov dasturiga ona tili, tarix va anʼanalarni bilish koʻrsatkichlari, shuningdek, ijodiy tanlovlar kiritilgan.
Gʻolibga Turkmaniston prezidenti Serdar Berdimuhamedov nomidan bosh sovrin — ZEEKR avtomobili topshirildi.
Maʼlumot uchun: “Tatar qizi” — tatar tili, milliy anʼanalari va madaniy merosini asrab-avaylash, yosh avlodga yetkazishga qaratilgan xalqaro madaniy-maʼrifiy tanlov. Tanlovga 2011 yilda Chelyabinsk shahrida asos solingan. Bugungi kunda Oʻzbekistonda ham qariyb 200 ming nafar tatar millatiga mansub aholi istiqomat qiladi.
